ಕೊಟ್ಟೂರು: ಪಟ್ಟಣದ ಚಿರಿಬಿ ರಸ್ತೆ ಎಡ ಬದಿಯಲ್ಲಿ ಇರುವ ಗ್ರಾಮ ದೇವತೆ ಶ್ರೀ ಕೊಟ್ರಮ್ಮ (ರೇಣುಕಾ) ದೇವಿಯ ಜಾತ್ರೆ ಇಂದು ಜರುಗಲಿದ್ದು, ಬೆಳಿಗ್ಗೆ 05:00 ರಿಂದ ಅಲಂಕಾರ ಪೂಜೆ. ಪಲ್ಲಕ್ಕಿ ಉತ್ಸವ (09:30 ಕ್ಕೆ): ಮೆರವಣಿಗೆಯು ಶಾನುಭೋಗ ನಿವಾಸದಿಂದ ಗಚ್ಚಿನ ಮಠ ಮತ್ತು ಕೆಳಗೇರಿ ಶ್ರೀ ಆಂಜನೇಯ ಸ್ವಾಮಿ ದೇವಸ್ಥಾನದ ಮೂಲಕ ಧಾರ್ಮಿಕ ವಿಧಿ ವಿಧಾನಗಳೊಂದಿಗೆ ಹಾದು ಕೊಟ್ರಮ್ಮದೇವಿ ದೇವಸ್ಥಾನವನ್ನು ತಲುಪುತ್ತದೆ.
ಜಾತ್ರಾ ಮಹೋತ್ಸವ (ಮಧ್ಯಾಹ್ನ 03:00 ರಿಂದ ಸಂಜೆ 07:00 ರವರೆಗೆ): ಮಧ್ಯಾಹ್ನ ಮತ್ತು ಸಂಜೆ ಭವ್ಯ ಉತ್ಸವಗಳು ಮತ್ತು ಭಕ್ತರು ದೇವಿಯ ದರ್ಶನ ಆಶೀರ್ವಾದ ಪಡೆದು ಶ್ರೀ ಕೊಟ್ರಮ್ಮ ದೇವಿಯ ಕೃಪೆಗೆ ಪಾತ್ರರಾಗಿ ಎಂದು ಕಮಿಟಿಯವರು ತಿಳಿಸಿದ್ದಾರೆ.
ವರದಿ: ಕೆ. ಗೋಣೆಪ್ಪ
