ಶಹಾಪುರ:
ಕರ್ನಾಟಕ ರಾಜ್ಯ ಅನುದಾನಿತ ಶಾಲಾ ಕಾಲೇಜು ನೌಕರರ ಸಂಘ ರಾಜ್ಯ ಘಟಕ ಬೆಂಗಳೂರು ವತಿಯಿಂದ ಹಳೆಯ ನಿಶ್ಚಿತ ಪಿಂಚಣಿ ಜಾರಿಗಾಗಿ ಫ್ರೀಡಂ ಪಾರ್ಕ್ ನಲ್ಲಿ ಹಮ್ಮಿಕೊಂಡಿರುವ ಅನಿರ್ದಿಷ್ಟಾವಧಿ ೧೦೫ ನೇ ದಿನದ ಮುಷ್ಕರದಲ್ಲಿ ದಿನಾಂಕ ೧೯/೦೧/೨೦೨೩ ರಂದು ಶಹಾಪುರ ತಾಲೂಕಿನಿಂದ ಶಹಾಪುರ ತಾಲೂಕಿನ ಎಲ್ಲಾ ನೌಕರರು ಭಾಗವಹಿಸಲು ನಿರ್ಧರಿಸಿದ್ದು ನಮ್ಮ ಬೇಡಿಕೆಯನ್ನು ಬೆಂಬಲಿಸಿ ಎಂದು ನಮ್ಮ ಶಹಾಪುರ ತಾಲೂಕಿನ ಸನ್ಮಾನ್ಯ ಶಾಸಕರಾದ ಶ್ರೀ ಶರಣಬಸಪ್ಪಗೌಡ ದರ್ಶನಾಪುರ ಅವರು ಹೋಗಿಬರಲು ಬಸ್ ಏರ್ಪಾಡು ಮಾಡಿರುತ್ತಾರೆ ಸಂಘದ ಪ್ರಮುಖ ಬೇಡಿಕೆಗಳೆಂದರೆ ಹಳೆಯ ಪಿಂಚಣಿ ವ್ಯವಸ್ಥೆ ಜಾರಿ, ಜ್ಯೋತಿ ಸಂಜೀವಿನಿ ಹಾಗೂ ಕಾಲ್ಪನಿಕ ವೇತನ ಯಥಾವತ್ ಜಾರಿ ಅನುದಾನ ರಹಿತ ಅವಧಿಯ ಸೇವೆಯನ್ನು ಪರಿಗಣಿಸುವ ಕುರಿತು ಕಳೆದ ೧೦೫ ನೇ ದಿನಗಳಿಂದ ಫ್ರೀಡಂ ಪಾರ್ಕಿನಲ್ಲಿ ಆಮರಣಾಂತ ಉಪವಾಸ ಸತ್ಯಾಗ್ರಹ ಹಾಗೂ ಧರಣಿ ನಡೆಯುತ್ತಿದ್ದು ಪ್ರತಿದಿನವೂ ರಾಜ್ಯದ ಪ್ರತಿಯೊಂದು ಜಿಲ್ಲೆಯ ಪಾಳಿ ಪ್ರಕಾರ ಹಮ್ಮಿಕೊಳ್ಳಲಾಗಿದೆ.೧೦೫ ನೇ ದಿನದ ಪಾಳಿ ಯಾದಗಿರಿ ಜಿಲ್ಲೆಯ ನೌಕರರಿಂದ ಇಂದು ೩೦ ಜನರ ತಂಡ ಬೆಂಗಳೂರಿಗೆ ಹೋಗಲು ಸಿದ್ಧರಾಗಿದ್ದೇವೆ.
ಎಂದು ಸಂಘದ ತಾಲೂಕು ಅಧ್ಯಕ್ಷರು ಶ್ರೀ ಸೂರ್ಯಕಾಂತ ಕಡಿ ತಿಳಿಸಿದರು ಹಾಗೂ ಕರ್ನಾಟಕ ರಾಜ್ಯ ಅನುದಾನಿತ ಶಾಲೆಯ ಎಲ್ಲಾ ಗೌರವಾನ್ವಿತ ಸದಸ್ಯರುಗಳು ಮತ್ತು ಎಲ್ಲಾ ಶಿಕ್ಷಕರು ಭಾಗವಹಿಸಿದ್ದರು.
ವರದಿ ರಾಜಶೇಖರ ಮಾಲಿ ಪಾಟೀಲ ಶಹಾಪುರ
